Monday, August 27, 2012
ကျွန်တော် ဒီ တစ်ခါတော့ ကျန်းမာရေး Post လေးလဲ ဖြစ် တက်သစ်စလူငယ်လေးတွေ အတွက် မူးယစ်ဆေးဝါး အန္တရာယ် အကြောင်းလေးနဲ့ မိတ်ဆက်ပေးပါရစေဗျာ။ကျွန်တော် ဒီ Post လေးကို (လူတိုင်းသိသင့်သော ဆေးပညာ) ဆိုတဲ့ Web Site လေးကနေ ကူးယူထားတာ ဖြစ်ပါတယ်ဗျာ။လူငယ်ဆိုတဲ့ သဘာဝဟာ သူများလုပ်တဲ့အရာ ဆန်းဆန်းပြားပြားဆိုရင် လိုက်ပြီး စမ်းသပ်ချင်ကြပါတယ်။အဲ့ဒီလို စမ်းသပ်ကြလို့လဲ တစ်ချို့ လူငယ်လေးတွေဟာ သူတို့ဘ၀လေးတွေ ပျက်သွားခဲ့ရပါတယ်။ဒါကိုလဲ ကျွန်တော် ပတ်ဝန်းကျင်နားလေးတွေမှာ ကြုံတွေ့ခဲ့ရပါတယ်။သိပ်မကြာသေးတဲ့အချိ်န်တုန်းက ကျနော်ဂျာနယ်တစ်စောင်မှာ လူငယ်တွေ Tramadol ဆေးစွဲနေတဲ့ပြဿနာနဲ့ပတ်သက်ပြီး ဖတ်လိုက်ရပါတယ်။ ဂျာနယ်ကတော့ ထမရောလို့သုံးထားပါတယ်။ အမှန်က ထရမဒေါ (Tramadol) ပါ။ မူးယစ်အနွယ်ဝင်ဆေးတစ်မျိုးပါ။ မူးယစ်ဆေးအပျော့စားလေးပါ။ ကင်ဆာရောဂါဝေဒနာရှင်တွေ၊ နာကျင်မှုဒဏ်ကိုအပြင်းအထန်ခံစားနေရတဲ့ဝေဒနာရှင်တွေ၊ စိတ်ကျရောဂါခံစားနေရသူတွေမှာ သုံးတာဖြစ်ပါတယ်။ ဆိုးကျိုးတွေအနေနဲ့ မူးဝေ၊ ပျို့အန်၊ ချွေးထွက်၊ ယားယံ၊ ၀မ်းချုပ်တာတွေဖြစ်စေပါတယ်။ ဗပာုသုတအနေနဲ့ထပ်ဖြည့်ပြောရရင် မူးယစ်ဆေးသုံးသူတွေပာာ ကာလကြာရှည်အသုံးပြုလာတဲ့အခါမှာ မူးယစ်ဆေးတွေကိုယဉ်ပါးလာပြီး သုံးလို့သုံးထားမှန်းမသိဖြစ်တတ်ပါတယ်။ ဒါပေမယ့် ဘယ်လောက်ပဲဆေးသုံးတဲ့သက်တမ်းဝါရင့်နေပါစေ၊ ဆေးသုံးထားမှန်း ဘယ်တော့မှလိမ်လို့မရတဲ့ အချက်၂ချက်ရှိပါတယ်။ တစ်ခုကတော့ မျက်စိသူငယ်အိမ်ကျဉ်းနေတာဖြစ်ပြီး နောက်တစ်ခုကတော့ ၀မ်းချုပ်တာဖြစ်ပါတယ်။ အဲဒီ၂မျိုးကတော့ ဆေးသုံးသက်တမ်းဘယ်လောက်ပဲကြာပါစေ။ မပြောင်းလဲပါဘူး။ မယဉ်ပါးပါဘူး။
အထက်မှာဖြော်ပထားတဲ့ Tramadol ဆေးကိုလူငယ်တွေအများဆုံးအသုံးပြုရတဲ့အကြောင်းရင်းကတော့ မူးယစ်အနွယ်ဝင်ဆေးတွေရဲ့ထုံးစံအတိုင်း ဇိမ်ရှိတာ၊ မအိပ်ချင်တာ၊ အလုပ်လုပ်လို့ကောင်းတာ စတာတွေကြောင့်ဖြစ်ပါတယ်။ ကျနော့်ပတ်ဝန်းကျင်မှာတောင် အဲဒီဆေးကိုတချို့လူငယ်လေးတွေ မအိပ်ချင်ဘဲ အချိန်ကြာကြာအလုပ်လုပ်လို့ရတယ်ဆိုပြီး အသုံးပြုနေတာတွေ့ရပါတယ်။ အချိန်ကြာလာတာနဲ့အမျှ မူးယစ်အနွယ်ဝင်ဆေးတွေရဲ့ထုံးစံအတိုင်း မသုံးရမနေနိုင်တာတွေဖြစ်လာပါတယ်။ ဆေးမသုံးရရင် ဂနာမငြိမ်ဖြစ်လာတာ၊ ညဘက်အိပ်မပျော်တာ၊ ရင်တွေတုန်ပြီး ချွေးစေးတွေထွက်နေတာ၊ နှာစေးတာ၊ နှာချေတာ စတာတွေဖြစ်လာပါတယ်။
အရင်းစစ်ရရင်တော့ ရွှေသမင်ဘယ်ကထွက်ဆိုတာမျိုးဖြစ်နေပါတယ်။ ဒီဆေးတွေလိုမျိုး မူးယစ်အနွယ်ဝင်ဆေးမျိုးမဆိုထားနဲ့ ဒိုင်ယာဇီပင်လိ်ုမျိုးအိပ်ဆေးကိုတောင်မှ ဆရာဝန်ဆေးစာမပါဘဲရောင်းချခွင့်မရှိပါဘူး။ လူငယ်တွေလက်ထဲကို ဒီလိုဆေးမျိုးတွေလွယ်လွယ်ကူကူနဲ့ ရောက်နေတာပာာ ဘယ်သူ့ဆီမှာတာဝန်ရှိမလဲဆိုတာစဉ်းစားကြည့်ကြပါ။ ကျနော့်အမြင်ကတော့ ဒီဆေးတွေကိုလွယ်လွယ်ကူကူရောင်းပေးနေတာပာာ မူးယစ်ဆေးရောင်းနေတာနဲ့ဘာမှမခြားနားပါဘူး။ ကိုယ့်အတွက်ပဲ ကိုယ်ကြည့်တတ်တဲ့ ၀ိသမလောဘသားတွေကြောင့် လူငယ်တွေပိုပြီးလမ်းမှားရောက်ရပါတယ်။ အရက်ဆိုင်၊ ဘီယာဆိုင်တွေကိုကြည့်ကြည့်ပါ။ အရက်၊ ဘီယာမှာပြီဆိုရင် နိုင်ငံခြားမှာလိုမျိုးအသက်ပြည့်မပြည့် ဘယ်သူကများအရေးလုပ်မေးနေတာမြင်ဖူးပါသလဲ။ ကိုယ့်ဆိုင်ကအရက်ရောင်းရပြီးရော ရောင်းနေတာပါပဲ။ ဆေးလိပ် ကွမ်းယာဆိုလည်းဒီအတိုင်းပါပဲ။ အသက်၁၈နှစ်အောင်မရောင်းရဆိုပြီး ကလေးအရွယ်တွေဆေးလိပ်သောက်၊ ကွမ်းစားနေတာတွေအများကြီးပါ။ ကိုယ့်သားအရွယ်၊ ကိုယ့်တူအရွယ်၊ ကိုယ့်ညီအရွယ်လေးတွေကို တားမြစ်ဖို့တော့မစဉ်းစား၊ ကိုယ်ပိုက်ဆံရရင်ပြီးရောဆိုတာမျိုးတွေအရမ်းကြောက်ဖို့ကောင်းပါတယ်။ တာဝန်ယူတတ်တဲ့စိတ်၊ နိုင်ငံကြီးသားပီသတဲ့စိတ်တွေနဲ့ နိုင်ငံတွေကိုအမှတ်ပေးရင်တော့ မြန်မာနိုင်ငံ ဘိတ်ဆုံးဒုတိယဖြစ်လောက်တယ် (ဘိတ်ဆုံးကတော့ တရုတ်ဖြစ်မှာ)။ ဒါတွေကိုအသေအချာကြီးကြပ်ထိန်းသိမ်းသင့်နေပါပြီ။ လူငယ်တွေဘက်ကလည်း ဘာမပာုတ်တာလေးတွေနဲ့ ကိုယ့်ဘ၀ကိုအနစ်မွန်းမခံပါနဲ့။ စဉ်းစားကြည့်ပါ။ လူတစ်ယောက်ပုံမှန်လိုအပ်တဲ့အိပ်ချိန်ကို မအိပ်ဘဲအလုပ်လုပ်နိုင်နေတယ်ဆိုမှတော့ တစ်ခုခုလွဲနေလို့ပေါ့။ ဒီလိုဆေးမျိုးပာာ ရေရှည်အတွက်ကောင်းနိုင်ပါ့မလား။ လူငယ်ဆိုတဲ့ဘ၀ပာာ တက်လမ်းတွေနဲ့ အညွန့်တလူလူတက်နေတာပါ။အဲလိုအချိန်မှာမူးယစ်ဆေးကြောင့် အနစ်မွန်းခံမယ်ဆိုရင် ဘ၀တစ်သက်တာလုံးသူများတံတွေးခွက်ထဲမှာပဲ နေသွားရပါလိမ့်မယ်။ သူများအခိုင်းအစေခံဘ၀နဲ့ ရေစုန်မျောသွားရပါလိမ့်မယ်။ ကိုယ့်ဘ၀ကို နှမြောရင် ကိုယ့်ကိုကိုယ်ချစ်ရင် မူးယစ်အနွယ်ဝင်တွေကို တတ်နိုင်သမျှသာရှောင်ရှားပေးကြပါလို့ သတိပေးလိုက်ပါတယ်ဗျာ။
ကြိုးစားလျက်.....!
(Yekyawphyo)
